Римнинг “Лацио” клуби ярим ҳимоячиси Сергей Милинкович-Савич Англия Премьер-лигасининг кучли учлигидан жой олган икки клубнинг нишонига тушди. Журналист Николо Шкиранинг ёзишича, сербга чемпионат пешқадами Лондоннинг “Арсенал” ва турнир жадвалида учинчи ўринда бораётган “Ньюкасл” қизиқиш билдирмоқда.
Манба берган хабарга кўра, ҳар икки клуб ҳам ярим ҳимоячининг агенти, футболчилик даврида Лондоннинг "Челси" жамоаси таркибида Англия Премьер-лигасида тўп тепган Матей Кежман билан музокара олиб борган.
Айни дамда “Лацио” Милинкович-Савич билан шартномани узайтирмоқчи. 27 ёшли футболчининг шартномаси кейинги мавсум охирида якунига етади.
