“Манчестер Сити” Англия лига кубоги чорак финалида “Саутгемптон”га 0:2 ҳисобида имкониятни бой бериб, мусобақадан чиқиб кетди. Хосеп Гвардиола жамоаси 90 дақиқа ичида дарвозага ҳатто битта ҳам аниқ зарба бера олмади.

Охирги марта “Манчестер Сити” деярли беш йил аввал, 2018 йилнинг апрел ойида ўйинни дарвозага аниқ зарбасиз якунлаган эди. Ўша ўйинда “шаҳарликлар” Чемпионлар лигасида “Ливерпул”га 0:3 ҳисобида имкониятни бой беришди. Ўшандан бери 1743 кун ёки 275 учрашув ўтди.

"Манчестер Сити"нинг навбатдаги ўйини 14 январь куни АПЛ доирасида "Манчестер Юнайтед"га қарши рақиб майдонида бўлиб ўтади.