"Барселона" ва Испания терма жамоасининг собиқ ярим ҳимоячиси Андрес Иньеста Каталония клубида ўтказган вақтлари ҳақидаги хотиралари билан ўртоқлашди ва "кўк-анорранглилар" сафига қайтиши мумкинлиги ҳақида гапирди.
"Барселона"да мен дунёдаги энг бахтли одам эдим. Агар мени у ерга қайтишим насиб қилса, ҳаммаси бошқача бўлади. Вазият мен футболчи бўлганимдан фарқ қилади. Кўрамиз, келажакда бизни нима кутмоқда", - деди Иньеста The Athletic билан суҳбатда.
Иньеста "Барселона" тарбияланувчиси бўлиб, испаниялик футболчи 2002 йилдан 2018 йилгача клубнинг асосий жамоасида ўйнаган. Ярим ҳимоячи каталонияликлар сафида жами 674 та ўйин ўтказиб, 57 та гол урган ва 138 та голли узатмани амалга оширган. Иньеста "Барселона" билан 30 та соврин ютган.
