"Эвертон" айни дамда "Вулверхэмптон"га ўтишга яқин турган "Атлетико Мадрид" ҳимоячиси Фелипега қизиқиш билдирган. Mail Sport хабарига кўра, ливерпулликлар бразилиялик учун "бўрилар" билан рақобатлашмоқчи.
Бироқ, манбага кўра, "Эвертон" биринчи навбатда камида битта футболчиси билан хайрлашиши керак. Шундан кейингина жамоа Фелипенинг трансфери бўйича таклиф билан чиқиши мумкин бўлади.
"Эвертон" ҳозир жуда қийин аҳволда. Фрэнк Лэмпард шогирдлари қуйи лигага тушиб кетиш зонасида. Улар бу ҳафта охирида Премьер-лига турнир жадвалининг энг қуйи поғонасида жойлашган "Саутгемптон"га қарши муҳим ўйинни ўтказади.
