"Everton" ayni damda "Vulverxempton"ga o‘tishga yaqin turgan "Atletiko Madrid" himoyachisi Felipega qiziqish bildirgan. Mail Sport xabariga ko‘ra, liverpulliklar braziliyalik uchun "bo‘rilar" bilan raqobatlashmoqchi.
Biroq, manbaga ko‘ra, "Everton" birinchi navbatda kamida bitta futbolchisi bilan xayrlashishi kerak. Shundan keyingina jamoa Felipening transferi bo‘yicha taklif bilan chiqishi mumkin bo‘ladi.
"Everton" hozir juda qiyin ahvolda. Frenk Lempard shogirdlari quyi ligaga tushib ketish zonasida. Ular bu hafta oxirida Premyer-liga turnir jadvalining eng quyi pog‘onasida joylashgan "Sautgempton"ga qarshi muhim o‘yinni o‘tkazadi.
