Испания Суперкубоги финалида "Барселона" ва "Реал" тўқнаш келади.
Ярим финалда Хави шогирдлари “Бетис”ни (2:2, пенальтилар сериясида 4:2) мағлуб этишди, Карло Анчелотти шогирдлари эса “Валенсия”дан (1:1, 4:3 пенальтилар сериясида) устун келишди.
Финал 15 январь куни Саудия Арабистонида соат 23.59да старт олади.
"Барселона" ва "Реал" 2017 йилдан бери илк бор Испания Суперкубоги финалида ўйнайди. Ўшанда иккита ўйиндан иборат баҳсда мадридликлар иккаласида ҳам ғалаба қозонишганди - 3:1 ва 2:0.
Каталонияликлар 13 марта Испания Суперкубогини қўлга киритган, "қаймоқранглилар" эса 12 марта.
