Кеча, 13 январь куни "Насаф" Қаршидаги йиғин доирасида иккига бўлинган ҳолда назорат учрашуви ташкил этишди.

Учрашувда дастлаб “оқлар” сафида тўп сурган Бобир Абдихолиқов ҳисобни очди (1:0). “Кўклар”дан эса Матеус Лима Круз боши билан тўпни дарвозага жойлаб, ҳисобни тенглаштирди (1:1). Иккинчи бўлимда Ҳусниддин Алиқулов ўн бир метрлик жарима зарбасини аниқ амалга ошириб “оқлар” ғалабасини таъминлади (2:1).

Эслатиб ўтамиз, қаршиликлар 26 январгача Қаршида машғулот олиб боришади ва 27 январь куни Туркияга учиб кетишади.