1999 йилги "Олтин тўп" соҳиби Ривалдо Неймарнинг шу қишда "ПСЖ"ни тарк этишига ишонмаяпти, аммо ёзда буни амалга оширишига ишончи комил. Боз устига, Ривалдо 2017 йилда 222 млн еврога "ПСЖ"га ўтган бразилиялик футболчини қаерга боришини ҳам билади.
"Унинг ҳозир, қишда "ПСЖ"дан кетишига ишонмайман. Лекин, менимча, мавсум охирида бу содир бўлиши мумкин. Менимча, Неймар ҳали ўйнамаган Англия чемпионатига ҳам бориши мумкин. У ерда у "Манчестер Сити"га ўтиши мумкин, бу унинг учун энг яхши жамоа, у тезкор ҳужумкор футболни ёқтиради", - деди Ривалдо ITASportPress билан суҳбатда.
