Мадриднинг “Реал” клуби ҳужумчиси Эден Азар “Ан-Наср” бош мураббийи Руди Гарсияга ташриф буюрди. El Chiringuito Tv телеканалининг Twitter саҳифасида футболчининг франциялик мутахассис билан гаплашаётгани акс этган видео эълон қилинди. Улар аввал "Лилль"да бирга ишлашган.
Аввалроқ Бельгия терма жамоаси футболчиси январь ойи бошида Криштиану Роналду билан шартнома имзолаган клубда фаолиятини давом эттириши мумкинлиги ҳақида хабар берилганди.
31 ёшли Азар жорий мавсумда "Реал Мадрид" сафида 6 та ўйинда майдонга тушиб, гол ва голли узатмани амалга оширди. Азарнинг амалдаги шартномаси 2024 йилнинг ёзига қадар мўлжалланган.
