"Барселона" ҳимоячиси Роналд Араухо "Реал"га қарши Испания Суперкубоги финалида ўнг қанотда ўйнайди. Бу маълумотни ижтимоий тармоқларда журналист Хави Мигель тарқатди.
Манбага кўра, аввалроқ "Барселона"да ўнг қанотда тўп тепган Жюль Кунде ҳимоя марказида Андреас Кристенсен билан жуфтликда ўйнайди. Бироқ, француз Араухо билан муайян ўйин учун ўрнини алмаштиради.
Эслатиб ўтамиз, "Реал Мадрид" ва "Барселона" ўртасидаги Испания Суперкубоги финали эртага Тошкент вақти билан соат 00:00да бўлиб ўтади. Ўтган мавсумда бу совринни "қироллик клуби" қўлга киритганди.
