Франция терма жамоасининг собиқ дарвозабони Лионель Шарбоне "Реал"нинг собиқ бош мураббийи Зинедин Зиданнинг келажаги ҳақида ўз фикри билан ўртоқлашди.
“У бир ярим йилдан бери машғулот ўтказмаяпти. Зидан Франция терма жамоасини бошқармоқчи бўлган, аммо бу амалга ошмади. У кутишни тўхтатиши керак. Зинедин терма жамоа ғоясидан воз кечиб, қандайдир топ-клубни бошқариши керак. А Серияда уни таклиф қилмоқчи бўлган жамоалар бор", - дея Шарбоне сўзларини келтирмоқда RMC Sport.
Зинединнинг охирги иш жойи "Реал Мадрид" бўлган. Франциялик мураббий қўл остида "қироллик" клуби кетма-кет уч марта Чемпионлар лигасида ғолиб чиққан.
