Италиянинг "Милан" клуби мухлислари 2012/13 йилги мавсум учун чиқарилган мавсумий абонементларни сотиб олишга шошилмаяптилар. Айни дамгача, фақат 19 283 та абонементлар ҳарид қилинган, дейилади Football-italia.net нашрида чиққан хабарда.
Клуб фанатлари мавсум бошланмасидан олдин жамоанинг етакчи футболчиларининг сотилиб юборилганидан ҳамон қаттиқ норози кайфиятдалар.
Шу кунгача сотилган абонементлар 20 мингга ҳам етмаган, устига устак, айрим мухлислар аввалдан ҳарид қилинган абонементларни қайта сотиб юбормоқдалар. "Милан" раҳбарияти истаган мухлисга абонемент пулларини қайтариб беришга рози эканлигини билдирган.
Таҳлилчиларнинг фикрича, бу ҳолат клуб имижи учун қаттиқ таъсир кўрсатиши мумкин. Шу кунгача сотилган абонементлар сони 19 мингдан сал ошган. Мавсум старт олишига эса саноқли кунлар қолди.
Агар барчаси шу таҳлит давом этгудек бўлса, "Милан" Сильвио Берлускони даврида илк бора мухлисларининг камлиги борасида антирекорд ўрнатишлари мумкин.
