Лондоннинг “Арсенал” клуби Донецкнинг “Шахтёр” клуби вингери Михаил Мудрикнинг трансферини амалга оширишга шошиляпти. Журналист Фабрицио Романонинг сўзларига кўра, "канонирлар" бугун яна футболчи билан бонус тўловларни муҳокама қилишади.
Эслатиб ўтамиз, "Арсенал" Мудрик трансфери учун "Шахтёр"га 70 миллион евро таклиф қилган эди. Украина жамоаси бонус сифатида яна 25 миллион олиши мумкин.
Мудрикга Лондоннинг "Челси" жамоаси ҳам даъвогарлик қилмоқда, аммо Грем Поттер жамоаси "Арсенал" Донецкнинг "Шахтёр" билан музокараларда муваффақиятсизликка учраган тақдирдагина трансферга эътибор қаратади.
