"Манчестер Юнайтед" бош мураббийи Эрик тен Хаг жамоада юқори даражадаги тартиб-интизомга интилади. Daily Mail саҳифаларида мураббий ўрнатган баъзи қоидалар ҳақида маълумот чоп этилди.
Масалан, “Манчестер Юнайтед”да дресс код бор – футболчилар клуб экипировкаси ва кроссовкаларини кийишлари шарт. Тен Хаг Бангкокдаги мавсум олди тайёргарлигида бу қарорга келган. Футболчиларнинг меҳмонхонада турли кийим ва шиппакларда юриши мураббийга ёқмаган.
Шунингдек, "Манчестер Юнайтед"да базада ва саёҳатлар вақтида овқатланиш вақти белгиланган. Шу билан бирга, ўйинчиларга овқат пайтида смартфонлардан фойдаланиш тақиқланади.
