Бруну Фернандеш сўнгги ойларда "МЮ"даги ўзгаришлар ҳақида гапирди.
Кеча Эрик тен Хаг шогирдлари АПЛнинг 20-тури доирасидаги ўйинда "Манчестер Сити"ни қабул қилиб (2:1) ғалаба қозонди ва турнир жадвалида 3-ўринга кўтарилиб олди.
"Ҳозир биз бир жамоага айландик. Бир неча ой олдин ҳар ким ўзи учун қайғурадиган жамоани кўриш мумкин эди. Ҳозир эса бу ҳамма бир-бири учун астойдил меҳнат қиладиган жамоа.
Биз кейинги ўйинга тайёргарлик кўришимиз керак, чунки жадвалдаги рақобатчиларга яқинлаша оламиз. Ғалаба қозонишда давом этмасак ҳаммаси ўтиб кетади.
Энди биз байрам қилишимиз керак, чунки бу дербидаги муҳим ғалаба. Аммо кейин дарҳол “Кристал Пэлас” билан ўйинга тайёргарлик кўришга ўтамиз", - деди “Манчестер Юнайтед”нинг ярим ҳимоячиси BT Sport билан суҳбатда.
