Бугун «Шахтёр» ярим ҳимоячиси Михайло Мудрик расман Лондоннинг «Челси» клубига ўтди. Трансфер 70 миллион еврони ташкил этди, яна 30 миллион евро бонус сифатида тақдим этилади.
Шу тариқа Мудрик 2006 йилда яна бир украиналик Андрей Шевченко томонидан ўрнатилган трансфер рекордини янгилади. Ўшанда «Милан»дан «Челси»га ўтган Шевченко постсовет мамлакатларининг ўйинчилари ичидаги энг қиммат харидга айланганди. Трансфермаркт маълумотларига кўра, «кўклар» ўшанда футболчи учун 43,8 миллион евро тўлаган.
Мудрикнинг сотилиши «Шахтёр» учун ҳам рекорд ўрнатди – клубнинг аввалги рекорди бразилиялик ярим ҳимоячи Фред бўлиб, у 2018 йилда 59 миллион евро эвазига Англиянинг «Манчестер Юнайтед» клубига ўтган эди.
