"Барселона" президенти Жоан Лапорта Испания Суперкубоги финалида "Реал" устидан қозонилган ғалаба (3:1) ҳақида фикр билдирди.
“Бу мен учун иккинчи, Хави учун эса биринчи соврин. Бизда ажойиб мураббий билан бирга ажойиб футболчилар авлоди ҳам бор. Гави ажойиб гол урди ва қолган иккитасида ёрдам берди, у учрашувнинг энг яхши футболчиси деган номга лойиқ эди.
"Реал Мадрид" муносиб рақиб, бу жамоа ғалаба ва мағлубиятни қандай қабул қилишни билади. Флорентино Перес ўйиндан сўнг Серхио Бускетс билан ёқимли сўзлар билан алмашди. Бу ғалаба биз учун алоҳида лаҳзадир. Биз мухлисларимизга қувончни қайтармоқчи эканлигимизни айтдик ва буни уддаладик", - дея Лапорта сўзларини келтиради Marca.
