Англиянинг "Арсенал" клуби ҳужумчиси Робин Ван Перси шу ҳафтада Лондонни расман тарк этиб, "Манчестер Юнайтед" билан шартнома имзолайди. Бу ҳақда хабарни ҳар иккала клуб расмий сайти тасдиқлади.
Уларда айтилишича, "МЮ" футболчининг трансфер суммаси бўйича "Арсенал" билан ниҳоят келишувга эришган. Манкунианлар голландиялик ҳужумчининг трансферини 24 миллион фунтга сотиб оллишга розиликларини билдиришди.
Бугун футболчи Манчестерга ташриф буюради ва "МЮ" таклиф этган 4 йиллик шартнома деталларини кўриб чиқади, дейилади хабарларда.
Аммо Британиядаги жуда кўп ОАВ аллақачон Ван Персининг "МЮ" футболчисига айлангани ҳақида жар солмоқдалар.
