Асли келиб чиқиши белоруслик, яқинда Ўзбекистон фуқаролигини қабул қилган Владислав Косминин "Металлург" билан шартнома имзолади.

Мамлакатимизга 2017 йили кириб келган ва АГМКда тўп тепган Косминин кейинчалик "Қизилқум", "Турон" жамоаларида ўйнади. Ўтган мавсум эса Тожикистоннинг "Истиқлол" жамоасига кўчиб ўтди ва Осиё чемпионлари лигасида иштирок этди.

Футболчилик фаолиятини 2006 йили Белоруснинг "Нафтан" жамоасида бошлаган Владислав ушбу юртнинг "Полоцк" (2010), "Волна" (2011/2012), "Гранит" (2013), "Витебск2 (2014), "Неман" (2016) клубларида ҳам тўп тепди. Пойтахт вилоятимизда икки мавсум ўйнагач (2017/2018) ярим мавсум Қозоғистон чемпионатида ҳам кўриниш берди.

2019 йилни "Оқжетпес" жамоасида бошлаган Владислав иккинчи даврадан яна Олмалиқликлар таркибига келиб қўшилди. 2018 йилда Ўзбекистон кубоги соҳибига айланди. 2020 йилни Навоийда, 2021 йилни эса Яйпан жамоасида ўтказди. Бекободга эса Душанбе жамоасидан келиб қўшилди. "Истиқлол" таркибида Тожикистон Суперкубогини қўлга киритди. ОФК чемпионлари лигасида 5 та ўйинда майдонга чиқиб, 1 та гол урди.

Шу йиллар давомида 33 ёшли футболчи 278 учрашувда майдонга тушган. Рақиблар дарвозасига 27 та гол киритган.

Владислав Косминин – 33 ёшда, 1990 йилнинг 17 январь санасида туғилган.
Туғилган жойи – Белорусь, Новополоцк.
Бўйи – 196 см
Вазни – 91 кг.
Амплуаси – марказий ҳимоячи