Мадриднинг “Атлетико” клуби ярим ҳимоячиси Янник Карраско каталониялик ҳужумчи Мемфис Депайни Мадридга ўтказиш бўйича келишув доирасида “Барселона”га ўтишга рози бўлди, дея хабар беради GOAL.
Олдинроқ нидерландиялик ҳужумчи "Атлетико" билан шартнома бўйича келишиб олгани ва бельгиялик ярим ҳимоячи "Барселона"га ўйинчи алмашиши мумкинлиги ҳақида хабар берилганди.
Нашрнинг ёзишича, Мадрид клуби раҳбарияти Карраско билан хайрлашмоқчи эмас, чунки улар уни жамоанинг асосий ўйинчиларидан бири деб билишади.
Бельгиялик футболчининг "Атлетико" билан амалдаги шартномаси 2024 йилгача мўлжалланган.
Жорий мавсумда 29 ёшли ярим ҳимоячи “матрасчилар” сафида барча мусобақаларда 23 та ўйин ўтказиб, 4 та гол урди ва 2 та голли узатмани амалга оширди. Transfermarkt порталига кўра футболчининг нархи 30 миллион еврога баҳоланмоқда.
