Madridning “Atletiko” klubi yarim himoyachisi Yannik Karrasko kataloniyalik hujumchi Memfis Depayni Madridga o‘tkazish bo‘yicha kelishuv doirasida “Barselona”ga o‘tishga rozi bo‘ldi, deya xabar beradi GOAL.
Oldinroq niderlandiyalik hujumchi "Atletiko" bilan shartnoma bo‘yicha kelishib olgani va belgiyalik yarim himoyachi "Barselona"ga o‘yinchi almashishi mumkinligi haqida xabar berilgandi.
Nashrning yozishicha, Madrid klubi rahbariyati Karrasko bilan xayrlashmoqchi emas, chunki ular uni jamoaning asosiy o‘yinchilaridan biri deb bilishadi.
Belgiyalik futbolchining "Atletiko" bilan amaldagi shartnomasi 2024 yilgacha mo‘ljallangan.
Joriy mavsumda 29 yoshli yarim himoyachi “matraschilar” safida barcha musobaqalarda 23 ta o‘yin o‘tkazib, 4 ta gol urdi va 2 ta golli uzatmani amalga oshirdi. Transfermarkt portaliga ko‘ra futbolchining narxi 30 million yevroga baholanmoqda.













