Мадриднинг “Атлетико” клуби бош мураббийи Диего Симеоне ярим ҳимоячи Родриго де Пауль 18 январь куни “Леванте”га қарши Испания Кубоги 1/8 финал учрашувида иштирок этишга тайёрлигини айтди.
Олдинроқ Мадрид клуби де Паулни трансферга қўйгани ҳақида хабар берилганди, кейинроқ бу маълумот рад этилди.
"Бизда кўплаб қимматбаҳо ўйинчилар бор, шунинг учун биз бозорда содир бўлиши мумкин бўлган ҳамма нарсага тайёрмиз", - дея Симеоненинг сўзларидан иқтибос келтиради журналист Фабрицио Романо.
Де Пауль жорий мавсумда “Атлетико Мадрид” сафида 18 та ўйинда майдонга тушиб, 2 та гол урди ва 2 та голли узатмани амалга оширди.
