Аргентина терма жамоаси ва "ПСЖ" ҳужумчиси Лионель Месси Қатарда бўлиб ўтган 2022 йилги жаҳон чемпионатида ғалаба қозонганидан бир ой ўтиб, ўз ҳис-туйғулари билан ўртоқлашди.
"Бир ой ўтди, мен ҳалигача ишонмаяпман. Ниҳоят ҳаммамиз хоҳлаган кубокни бошимиз узра кўтарганимизда нималарнидир бошдан кечирдик. Ақл бовар қилмайди.
Очиғи, чемпион бўлиш ёқимли, лекин мен ойни жуда яхши ўтказдим, жуда кўп ажойиб хотиралар қолди. Мен буларнинг барчасини жуда соғиндим. Мен ўртоқларимни, улар билан кундалик ишлашни, тактика дарсларини, машғулотларни, биз қилган аҳмоқона ишларни...
Менинг оилам ҳар куни содир бўлаётган воқеалардан завқланаётганини кўриш қанчалик ёқимли эди. Бу таассуротлар унутилмас. Аргентинада стадионда ҳам, унинг ташқарисида ҳам одамлар бизни қўллаб-қувватлаётганини кўриш нақадар ажойиб эди.
Раббим, буларнинг барчаси учун раҳмат. Айтганимдек, буни менга беришингни билардим. Бизнинг ғалабамиздан кейинги ақлдан озган байрамни мен тасаввур қила олмаган эдим.
Мана орадан бир ой ўтди... Биз жаҳон чемпионларимиз!" - деб пост қолдирди Месси ижтимоий тармоқлардаги саҳифасида.
