"Манчестер Сити" бош мураббийи Пеп Гвардиола "Арсенал"дан ортда қолаётгани фикр билдирди.
"Шаҳарликлар” АПЛ турнир жадвалида "канонирлар"дан 8 очко ортда қолиб, иккинчи ўринни эгаллаб турибди.
"Биз шунга ўхшаш вазиятга кўп марта дуч келганмиз. Биз саккиз очко олдинда бўлганимизда ҳам ҳеч қачон тинчланмайман. Барча босим кейинги ўйинда. Унда ғалаба қозониш мажбурийдир. Пешқадам бўлганингизда очко йўқотишингиз мумкин, ортда қолганингизда эмас.
Биз ўйинимизни яхшилашимиз, бор кучимиз билан ўйинни назорат қилишимиз керак. Катта жамоалар айнан шундай қилишлари керак. Мен ечим топишим керак.
Баъзан биз одатдагидек мобил эмасмиз. Ҳимоя чизиғини чўзиш керак. Охирги икки ўйинда муаммолар бўлди", — деди испаниялик мураббий.
"Манчестер Сити" ва "Тоттенхэм" ўртасидаги 7-турнинг қолдирилган ўйини 20 январь куни бўлиб ўтади. Учрашув Тошкент вақти билан соат 01:00да бошланади.
