"Барселона" ҳужумчиси Мемфис Депай Мадриднинг "Атлетико" клубига ўтишга яқин турибди.
Олдинроқ нидерландиялик футболчи "матрасчилар" билан шартнома бўйича келишиб олгани маълум бўлганди, энди эса клублар келишувга эришган, дея маълум қилди нуфузли инсайдер Фабрицио Романо.
Депай доимий равишда "Атлетико" футболчисига айланади, "Барселона" эса бу сотишдан 3 миллион еврога яқин даромад олади. Трансфер яқин орада расман рўйхатдан ўтказилиши мумкин.
Мемфис Депай жорий мавсум Каталония грандининг учта ўйинида қатнашиб, рақиблар дарвозасига битта гол урган. Унинг клуб билан амалдаги шартномаси олти ойдан кейин якунига етади.
