"Боруссия" дарвозабони Ян Зоммернинг "Бавария"га ўтиши учун тўланадиган бонуслар нимага боғлиқлиги маълум бўлди.
Манбага кўра, Мюнхен клуби Бундеслигада ғалаба қозонган тақдирда бир миллион евро, Чемпионлар лигаси ва Германия кубогида ғолиб чиққани учун 250 минг евро тўлайди.
ОАВ Зоммернинг "Бавария"га ўтишидан олинган транзакция суммаси 8 миллион евро + 1,5 миллион бонуслар бўлишини хабар қилишди. Дарвозабон билан келишув 2025 йилнинг ёзига қадар тузилади.
34 ёшли швейцариялик жорий мавсумда “Боруссия” сафида 15 та ўйинда майдонга тушиб, 19 та гол ўтказиб юборди ва 4 та ўйинда ўз дарвозаси даҳлсизлигини сақлаб қолди. Transfermarkt портали футболчини 5 миллион еврога баҳоламоқда.
