"Реал" бош мураббийи Карло Анчелотти Испания кубоги доирасида "Вильярреал" устидан қозонилган иродали ғалаба (3:2) ҳақида ўз фикрларини билдирди.
Танаффусга қадар ўйин 2:0 ҳисобида "Вильярреал" жамоаси фойдасига ҳал бўлди. Иккинчи бўлимда Винисиус Жуниор, Эдер Милитао ва Дани Себальоснинг аниқ зарбалари мадридликларга ғалаба келтирди.
"Танаффус пайтида мен жуда ғазабландим. Биз биринчи бўлимни бутунлай муваффақиятсиз ўтказдик, "Реал" бундай ўйнамаслиги керак. Мен футболчиларга уйғонишларини айтдим. Яхшиямки, улар яхши жавоб беришди, лекин биз бутунлай қулашга жуда яқин эдик. Ҳа, якунда биз ғалаба қозондик, аммо биринчи бўлимдаги даҳшатли ўйин тез орада унутилмайди" - деди Анчелотти ўйиндан кейинги интервьюсида.
