Дани Алвеш жинсий зўравонликда айбланиб ҳибсга олинди.
"Барселона"нинг собиқ ҳимоячиси 30 декабрь куни Барселонадаги Sutton тунги клубида ёш аёлга жинсий зўравонлик қилганликда гумонланиб бугун ҳибсга олинди, деб ёзмоқда Cope. Ҳодиса Барселонада маҳаллий вақт билан эрталаб соат 10 ларда содир бўлди.
20 январь куни эрталаб Алвеш сўроқ учун Каталония пойтахтидаги Лес-Кортс полиция бўлимига келиши керак эди. Ҳибсга олингандан кейин Дани судга олиб борилади, у ерда унга нисбатан вақтинчалик эҳтиёт чораси танланади.
Аризачининг сўзларига кўра, Бразилия терма жамоаси таркибида Қатарда бўлиб ўтган жаҳон чемпионатида иштирок этиб, Барселонада таътилга чиққан Алвеш тунги клубдаги зиёфатда ёш аёлга яқинлашиб, унинг розилигисиз унинг ички кийими остига қўлини қўйган. Жабрланувчининг кўрсатмаларига кўра, у футболчидан узоқлашишга муваффақ бўлгач, дўстларига ва тунги клуб хавфсизлигига хабар берган, улар Каталония полициясига мурожаат қилган.
Айбловлардан сўнг Дани 30 декабрь куни “Sutton” клубида бўлганини тасдиқлади, аммо номақбул хатти-ҳаракатлар қилганини рад этди: “Мен ҳеч қачон одамларнинг шахсий майдонига бостириб кирганим йўқ. Бу менга ва менинг яқинларимга зарар етказишга уринишдир”.
Фаолияти давомида ҳимоячи "Севилья", "Ювентус", "ПСЖ" ва "Сан-Паулу" клубларида ҳам ўйнаган. 2022 йилда футболчи Мексиканинг "Пумас" клуби билан шартнома имзолаган.
