"Барселона" бош мураббийи Хави Мемфис Депай жамоадан кетганидан кейин клубга янги ҳужумчи излаш керакми деган саволга жавоб берди.
"Жамоада янги футболчилар пайдо бўладими ёки йўқми, билмайман, лекин Мемфис Депай кетганидан сўнг, менимча, ҳужумчи билан шартнома имзолаш керак. Кўрамиз, бунинг иложи борми, менимча, ҳаммаси яхши бўлади", - дея Хавининг сўзларини келтиради Goal.
Бугун, 20 январь куни Депай "Атлетико Мадрид" билан 2,5 йиллик шартнома имзолагани маълум бўлди. Жорий мавсумда ҳужумчи "Барселона" сафида барча мусобақаларда бор йўғи 4та ўйин ўтказиб, битта гол урган.
