"Барселона" "Манчестер Сити" ярим ҳимоячиси Илкай Гюндоганни ўз сафига қўшиб олмоқчи, бироқ 32 ёшли немис футболчисининг ёши ва маоши туфайли ушбу трансфердан воз кечиши мумкин. Бу ҳақда Relevo нашри хабар бермоқда.
Манбага кўра, инглиз клуби мавсум охирида шартномаси тугайдиган Гюндоганга 12 миллион евро маош билан шартномани яна бир йилга узайтиришни таклиф қилган. Бироз вақт ўтгач, "Манчестер Сити" ўз таклифини яхшилаган.
Олдинроқ "Барселона" футболчи билан дастлабки шартнома борасида келишиб олгани, унга кўра у 2023 йилнинг ёзида эркин агент сифатида жамоага қўшилиши ҳақида хабар берилганди. Гюндоган “Манчестер Сити”да 2016 йилдан ўйнаб келмоқда.
