"Челси" ярим ҳимоячиси Мэйсон Маунт ёзда "Ливерпул"га ўтиши мумкин. Бу ҳақда The Guardian хабар бермоқда.
Манбага кўра, ярим ҳимоячи хизматларига "мерсисайдликлар" қизиқиш билдирмоқда. Шу сабабли "кўклар" англиялик футболчи билан шартномани узайтириш бўйича янги музокараларни бошлаб юборишди. Маунтнинг жамоа билан амалдаги шартномаси 2024 йилнинг ёзида якунига етади. Жамоа уни олиб қолишга ишонади. Ҳозир Мейсон ҳафтасига 75 минг евро олади - бу клубдаги энг кам маошлардан бири.
Мейсон Маунт - "Челси" тарбияланувчиси. У жамоада 17 йилдан ортиқ фаолият олиб бормоқда. Жорий мавсумда Маунт жамоа сафида 26 та ўйинда 3 та гол урди ва 6 та голли узатмани амалга оширди.
