"Атлетико"нинг янги футболчиси Мемфис Депай Мадрид клубига ўтиши ҳақида фикр билдирди.
"Ҳаммаси жуда яхши ва жуда тез ўтди. Мураббий билан яхши суҳбатлашдим ва мен нимага қодир эканимни кўрсатишга интиламан. Ўтган йили уларга қарши ўйнаганман ва стадион, ўйиннинг шиддатлилиги ва жанговар руҳига қойил қолгандим. Бу ажойиб тарих ва яхши жамоага эга жуда катта клуб. Мен улар ҳақида кўп яхши ҳикояларни эшитганман. Улар мен билан шартнома имзолашни хоҳлашди ва бу жуда муҳим", - дея Депайнинг сўзларини келтиради Football Espana.
Кеча, 20 январь куни Депай "Атлетико Мадрид" билан 2,5 йиллик шартнома имзолагани маълум бўлди. Жорий мавсумда ҳужумчи "Барселона" сафида барча мусобақаларда бор йўғи 4та ўйин ўтказиб, битта гол урган.
"Атлетико" 28 очко билан Испания чемпионатида 4-ўринда бормоқда.
