Испания терма жамоаси ва "Барселона"нинг собиқ бош мураббийи Луис Энрике тез орада Бразилия терма жамоасини бошқариши мумкин, дея хабар беради журналист Николо Скира.
Манбага кўра, федерация раҳбарлари ҳозирданоқ испаниялик мутахассисни термага таклиф қилиш устида ишламоқда, у билан шартнома 2026 йилгача тузилиши мўлжалланган.
Аввалроқ ушбу лавозимга номзодлар рўйхатидан Жозе Моуриньо (Рома), Фернандо Диниз (Флуминенсе) ва Карло Анчелотти (Реал) ҳам борлиги хабар қилинганди.
Энрикенинг сўнгги иш жойи ЖЧ-2022 1/8 финалида Марокашдан учралган мағлубиятдан сўнг (0:0, пенальтилар – 0:3) тарк этган Испания терма жамоаси бўлди.
Бразилия терма жамоаси ФИФА рейтингида 1-ўринни эгаллаб турибди.
