Йил бошида Италиянинг «Салернитана» жамоасига ўтган дарвозабон Гильермо Очоа бир неча йил аввал А Серияда бўлиши мумкинлигини эслади.
«Мен «Ювентус»ни Буффон ва дель Пьеро билан, «Милан»ни Пирло ва Шевченко билан томоша қилганман... Мен А Серия мухлисиман.
«Льеж»да ўйнаганимда, А Серияга ўтишни хоҳлардим, бу 2018-2019 йилларда содир бўлиши мумкин эди. «Наполи» мени сотиб олмоқчи эди, аммо «Стандард» мураббийи бунга «йўқ» деди. Натижада, «Наполи» Давид Оспина билан шартнома имзолади», - деди Очоа.
Маълумот учун, айни дам «Наполи» Италия чемпионатида пешқадамлик қилмоқда. Лучано Спалетти шогирдлари энг яқин таъқибчисидан 9 очко олдинда.
