Италия терма жамоасининг бош мураббийи Чезаре Пранделли терма жамоанинг ёш ўйинчиларининг истиқболи ва "Милан" ҳужумчиси Антонио Кассанонинг юқори савияда тўп суришига умид билдирди.
"Биз ҳар доим Антониога адолатли ёндошиб келганмиз, у билан Евро-2012да бирга бўлдик. Агар Кассано "Милан" таркибида доимий ўйин амалиётига эга бўлиб турса - унга термада жой топилади. У ҳозир фаолиятининг қийин босқичини бошидан кечиряпти. Ўйлайманки, у юқори савияда тўп суришга мотивация топа олади. Ҳаммаси унинг ўзига боғлиқ.
Дестрога келсак, у ЖЧ саралаш учрашувида Болгарияга қарши майдонга тушиши мумкин. Бу унинг "А" серияда қандай ўйин кўрсатишига боғлиқ. Маттиа экстраординар сифатларга эга, ўйинга чанқоқ ва рақиб майдончасида исталган вақт фойда келтириши мумкин.
Массимо Моратти "Интер" тизимидан Дестро ва Балотелли каби футболчилар етишиб чиққанида фахрланса арзийди. Клуб бошқа футболчиларни танлади, аммо Моратти рози бўлса арзийди. Дестро-Балотелли - бу суперҳужумчилар жуфтлиги.
Инсинье? У яхши футболчи. Уни кузатамиз.
Шуни айтишим мумкинки, терма жамоага ўйинчиларни "А" сериядаги иштироклари орқали жалб қиламиз, - дея Пранделлининг сўзларини келтиради Football Italia.
