“Манчестер Сити” дарвозабони Эдерсон ҳозирда “Арсенал” етакчилик қилаётган чемпионлик пойгаси ҳақида ўз фикрлари билан ўртоқлашди.
"Биз биламизки, "Арсенал" ажойиб иш олиб бормоқда ва ажойиб таркибга эга, аммо Премер-лига жуда рақобатбардош. Диққатни жамлаш, ғалаба қозониш ва етакчиларга босим ўтказиш муҳим – ҳамма нарса бўлиши мумкин.
Ҳозирда "Арсенал"нинг устунлиги кучли, аммо олдинда кўплаб ўйинлар бор. Адашмасам, икки йил аввал саккиз очко ортда қолиб, ортга қайтдик ва чемпионликни қўлга киритдик", — деди бразилиялик футболчи матбуот анжуманида.
