Давид де Хеа «Манчестер Юнайтед» билан узоқ муддатли шартнома имзолай олса, маошини камайтиришга тайёр. Бу ҳақда «The Sun» ўз саҳифаларида баён қилди.
Январь ойида «Манчестер Юнайтед» Давид де Хеа билан шартномани яна бир мавсумга узайтириш вариантини фаоллаштирди. Шу билан бирга, испаниялик дарвозабон яна камида уч йил «Олд Траффорд»да қолишни истайди, шу боис томонлар янги шартномани муҳокама қилишмоқда.
Эслатиб ўтамиз, айни дам Давид де Хеа ҳафтасига тўланадиган 375 минг фунт билан «Манчестер Юнайтед»нинг энг кўп маош олувчи футболчиси ҳисобланади. Энди янги шартнома имзоланиши учун 32 ёшли испаниялик жиддий ҳаракат қилиши керак.
