«Манчестер Сити» ҳужумчиси Эрлинг Холанд АПЛнинг 21-туридан ўрин олган «Вулверхэмптон»га қарши ўйинда хет-трик қайд этди.

Ҳужумчи 40, 50 (пенальти) ва 54-дақиқаларда ўзини яхши кўрсатди. Норвегиялик футболчи чемпионатдаги 25-голини урди.

Эслатиб ўтамиз, Премьер-лиганинг сўнгги тўрт мавсуми давомида энг яхши тўпурарлар бутун мавсум давомида максимал 23 та гол уришганди.

«Тоттенхэм» ҳужумчиси Сон Хён Мин ва «Ливерпуль» етакчиси Муҳаммад Салоҳ ўтган мавсумда АПЛ тўпурарлари бўлишганди.

Айнан Салоҳ Премьер-лиганинг бир мавсумида 23 тадан кўп гол урган охирги футболчи бўлди. У  2017/18 йилги мавсумда 32 та гол билан тўпурарлар баҳсида ғалаба қозонган.