Англия чемпионатининг 21-тури доирасидаги ўйинда Лондоннинг "Арсенал" жамоаси ўз майдонида "Манчестер Юнайтед"ни қабул қилиб, сўнгги дақиқаларда киритилган гол эвазига ғалабани қўлга киритди.
Англия Премьер-лигаси турнир жадвалида пешқадамлик қилаётган “Арсенал”нинг ғалабаси клубнинг собиқ дарвозабони – афсонавий Дэвид Симэнни хурсанд қилди. У ўйиндан кейинги фикрлари билан ўртоқлашди.
"Ажойиб ўйин ва ажойиб натижа! Бу "Арсенал" ўзгача", — деб ёзди Симэн ижтимоий тармоқда.
Кейинги турда Лондоннинг "Арсенал" жамоаси сафарда "Эвертон" билан тўқнаш келади, бу ўйин 28 январь куни бўлиб ўтади.
