"Арсенал" вингери Букайо Сака яна бир мавсумни ажойиб ўтказмоқда.
21 ёшли футболчи "Манчестер Юнайтед"га қарши ўйинда (3:2) "канонирлар"нинг голларидан бирини киритди.
Squawka нашри хабарига кўра, англиялик футболчи жорий мавсумда Европанинг топ-5 лигасида етти ёки ундан ортиқ гол урган ва етти марта ва ундан ортиқ голли узатмани амалга оширган тўртинчи футболчига айланди. Илгари бу натижани Лионель Месси ва Неймар, шунингдек, "Наполи" фуболчиси Хвича Кварацхелия томонидан қайд этилганди.
Букайо Сака 2019 йилдан бери "Арсенал"нинг асосий жамоасида ўйнамоқда. У жами 157 учрашувда 31 гол ва 36 голга ассистентлик қилган.
