"Реал" бош мураббийи Карло Анчелотти жамоасининг "Атлетик" устидан қозонилган ғалабаси (2:0) ҳақида фикр билдирди.
“Қаймоқранглилар” 24 ва 90-дақиқаларда Карим Бензема ва Тони Кроос томонидан киритилган голлар эвазига навбатдаги уч очкони қўлга киритишди.
"Ўйинга тайёргарлик кўриш учун кўп вақтимиз йўқ эди, аммо футболчилар ўзларидан нима талаб қилинишини жуда яхши тушунишди. Бугунги ўйинимизни фантастик деб бўлмайди, лекин биз яхши ўйнадик. Ҳимоядаги яхшиланишлар сезиларли бўлди, жамоа олдинги ўйинларга қараганда анча ишончли ва ихчамроқ ҳаракат қилди" - деди италиялик мураббий.
