"Рома" ярим ҳимоячиси Неманья Матич Жозе Моуриньо қўл остида ўйнаши ҳақида гапирди.
Сербиялик футболчи португалиялик мураббийни Англиядаги биргаликдаги фаолиятидан яхши билади, у ерда иккаласи ҳам "Челси" ва "Манчестер Юнайтед" манфаати учун ишлаган. 2022 йилнинг ёзида Моуриньо 34 ёшли ярим ҳимоячини "Рома"га таклиф қилганди.
"Жозе ҳеч қачон ўзгармайди: ғалаба қозонганингизда у билан ишлаш жуда осон, ютқазганингизда эса жуда қийин. Моуриньо жуда иштиёқли мураббий. Ҳар доим шундай бўлган ва бу ўзгармайди", - деди Матич DAZN нашрига берган интервьюсида.
Айни дамда Моуриньо бошчилигидаги "Рома" Италия чемпионати турнир жадвалида тўртинчи ўринда бормоқда.
