Мадриднинг "Реал" клуби бош мураббийи Карло Анчелотти жамоа ҳужумчиси Карим Бенземанинг кечаги Испания чемпионатининг 18-туридан ўрин олган "Атлетик"га қарши ўйиндаги ўйини ҳақида гапирди. Франциялик футболчининг голи "қаймоқранглилар"нинг 2:0 ҳисобида ғалаба қозонишига ёрдам берди.
"Карим яна энг яхши ҳолатда. Бензема бизнинг ҳужумимизга кўп нарса беради. Мен унинг ўйинидан тўлиқ қониқдим. Мен Камавинга қандай ўйнаганини ҳам қайд этмоқчиман. У ажойиб ўйин ўтказди. "Реал" ҳимояда ажойиб ўйнади. Биз рақибга ҳеч нарса қилишига йўл қўймадик ва ҳақли равишда ғалаба қозондик", - деди италиялик мутахассис AS билан суҳбатда.
Ушбу ўйиндан сўнг "Реал" 41 очко тўплади ва Ла Лига турнир жадвалида иккинчи ўринда бормоқда.
