"Арсенал" ҳимоячиси Александр Зинченко "канонирлар"нинг жорий мавсумда Премьер-лигада чемпионлик учун курашишида ёрдам берадиган асосий омилни айтиб ўтди.
"Арсенал" лигада ғалаба қозона оладими? Бу ҳақда ҳаммамиз орзу қиламиз, лекин тўғрисини айтсам, узоққа ҳам қарамаймиз. Бошқа жамоаларга эътибор қаратмаймиз. Биз бор эътиборимизни ўз ўйинимизга қаратишимиз керак. Айтганимдек, яхшиланиши мумкин бўлган нарсалар кўп, аммо менимча, биз тўғри йўлдамиз. Кийиниш хонаси, жамоанинг атрофи, машғулотлардаги муҳит... Ҳамма жуда қаттиқ меҳнат қилмоқда. Эрталаб "Арсенал" машғулотига келганимиз билан кечки пайт соат 17:00дан кейин барибир ўйинчилар ва ходимларнинг ярми ишлашда давом этади. Бу ақл бовар қилмайдиган ва мукаммал нарса. Бу чемпионлик учун курашда асосий омил. Бу менинг фикрим" - деди Зинченко Arseblog News билан суҳбатда.
“Арсенал” 19 турдан сўнг 50 очко билан АПЛда пешқадамлик қилмоқда.
