Tuttomercatoweb хабарига кўра, "Тоттенхэм" Маурисио Почеттинони бош мураббий этиб тайинламоқчи ва аргентиналик мутахассис билан қайтиш борасида музокараларни бошлаб юборган.
Манбанинг хабарига кўра, "Тоттенхэм"нинг амалдаги бош мураббийи Антонио Конте мавсум охирида, шартномаси тугагач, ўз лавозимини тарк этади. Инглиз клуби Почеттино билан музокараларни бошлаб юборган. Қайд этилишича, яна бир номзод “Челси”нинг собиқ устози Томас Тухелдир.
50 ёшли аргентиналик мутахассис 2014 йилдан 2019 йилгача "шпорлар" бошқарувида ишлаб, сўнгги мавсумида у билан Чемпионлар лигаси финалига қадар етиб борган. 2021 йилнинг январидан 2022 йилнинг июлигача Почеттино "ПСЖ"да ишлаган ва ҳозир жамоасиз.
