"Барселона"нинг собиқ ҳимоячиси Дани Алвеш Мексиканинг "Пумас" клубидаги маоши ҳақида судга ёлғон маълумот берди. Эслатиб ўтамиз, футболчи тунги клубда қизни зўрлаганликда гумон қилинмоқда.
El Pais НАШРИ хабарига кўра, суд мажлисида судья Алвешдан "Пумас"даги маоши ҳақидаги маълумотларини тақдим этишни сўраган. Бразилиялик футболчи Мексика клубида ойига 30 минг евро маош олаётганини айтди. Бироқ ишга илова қилинган шартнома нусхасида Алвеш "Пумас"да ойига 300 минг евро ишлаб олгани кўрсатилган.
Эслатиб ўтамиз, яқинда Мексиканинг "Пумас" клуби Алвеш билан шартномани бекор қилганини расман эълон қилган эди. Футболчи май ойида 40 ёшга тўлади.
