"Ан-Наср" раҳбарияти Криштиану Роналду фаолиятини Саудия Арабистонида якунлашини истамоқда.
Ҳужумчининг "Ан-Наср" билан шартномаси 2025 йилгача амал қилади. Шартнома муддати тугаши вақтида Криштиану 40 ёшда бўлади ва "Ан-Наср" раҳбарияти Криштиану фаолиятини бошқа лигада якунлаши даргумон деб ҳисобламоқда.
ESPN нашри хабарига кўра, "Ан-Наср" португалиялик футболчи билан шартнома муддати тугаганидан кейин ҳам фаолиятини давом эттирмоқчи бўлса, уни узайтириш имкониятидан воз кечмайди.
"Ан-Наср" Роналдунинг "Манчестер Юнайтед", "Реал" ва "Ювентус"даги тажрибасидан Саудия Арабистони ва бутун Осиё футболининг флагманига айланиш ниятида.
Якшанба куни Криштиану Роналду "Ан-Наср" сафида "Ал-Иттифоқ"қа қарши ўйинда (1:0) дебют қилди.
