"Милан" ҳужумчиси Оливье Жиру Италия клуби билан шартномасини узайтириш истаги борлигини маълум қилди.
Франциялик футболчининг амалдаги шартномаси 2023 йилнинг ёзида якунига етади.
"Милан" билан шартномамни узайтирмоқчиман. Скудеттони қўлга киритиб, миланлик мухлисларнинг қалбидан жой олдим.
Мен клуб билан шартномани узайтириш бўйича музокаралар олиб бормоқдаман, агар фаолиятимни "Милан"да юқори савияда якунлаш имконияти бўлса, буни амалга ошираман.
Мақсадим — "Милан" либосида гол уриш ва совринлар ютишда давом этиш", - дея Жиру сўзларини келтиради Milan News.