"Манчестер Юнайтед" ва Англия терма жамоасининг собиқ футболчиси Уэйн Руни "Эвертон"ни бошқариши мумкин.

Мерсисайд клуби вакиллари 22 январь куни 37 ёшли инглиз Фрэнк Лэмпардни алмаштиришга тайёрми ёки йўқлигини билиш учун у билан боғланишди.

"Ди Си Юнайтед" бош мураббийи ҳозирча таклифни қабул қилиш-қилмаслик ҳақида бир қарорга келмаган.

“Ди Си Юнайтед”га қадар Руни “Дерби”ни бошқарган. У "Эвертон" тарбияланувчиси бўлиб, клуб сафида 117 та ўйинда майдонга тушиб, 28 та гол ва 8 та голли узатмани амалга оширган.

Шу билан бирга, Sky Sports бош мухбири Каве Солхеколнинг хабар беришича, "Эвертон"нинг Лэмпард ўрнига номзодлар рўйхатида "Бёрнли"нинг собиқ устози Шон Дайч ва "Брентфорд" бош мураббийи Томас Франк бор.

Олдинроқ Лэмпард ўрнини эгаллашда фаворит Марсело Бьелса эканлиги хабар қилинганди.

"Эвертон" ҳали Лэмпард билан ҳамкорликни якунлаганини расман эълон қилмаган.