"Манчестер Сити" ҳимоячиси Жоау Канселу "Милан"дан Рафаэл Леауни сотиб олиш бўйича келишувнинг бир қисми бўлиши мумкин.
"Шаҳарликлар" 23 ёшли ҳужумчига анчадан бери қизиқиб келмоқда, у ҳалигача "Милан" билан 2024 йилда тугайдиган шартномасини узайтирмаган. Calciomercato хабарига кўра, ўтиш жараёнини осонлаштириш учун инглиз гранди "Милан"га нафақат пул, балки Жоау Канселуни ҳам таклиф қилишга тайёр.
Transfermarkt экспертлари 28 ёшли латералнинг нархини 70 миллион евро, Рафаэл Леауни эса 85 миллионга баҳоламоқда. Иккала футболчи ҳам Португалия терма жамоасида ўйнайди.
